martes, 1 de marzo de 2011

Cursos de Lingua Francesa en Xullo

O Ministerio de Educación convoca 450 axudas para a estancia e realización dun curso de lingua francesa en distintos centros de Francia de catro semanas de duración no mes de xullo de 2011, cun mínimo de 15 horas lectivas semanais.

Destinatarios:
Poderán optar a estas axudas os alumnos nacidos entre o 1 de xaneiro de 1991 e o 31 de decembro de 1994 e que no presente curso 2010-2011 estean matriculados nalgún dos seguintes cursos:

Primeiro ou Segundo de Bacharelato.
Ensinos Profesionais de Música e Danza.
Grao Medio de Formación Profesional.
Grao Medio de Artes Plásticas e Deseño.
Grao Medio de Ensinos Deportivos.
Ensinos de Idiomas de nivel intermedio ou avanzado.

Será requisito indispensable para obter esta axuda ser bolseiro do Ministerio de Educación no curso 2010-2011.

Contía:
A contía das axudas ascenderá a un máximo de 1.429 €.

Solicitude e Prazo:
A solicitude deberase cumprimentar mediante o formulario accesible por internet a través da sede electrónica do Ministerio de Educación na dirección https://sede.educacion.gob.es no apartado correspondente a Trámites e servizos.
O prazo para a presentación de solicitudes é ata o día 30 de marzo de 2011 inclusive.

Mais información:
no BOE do 28 de febreiro de 2011 e en www.educacion.es

Ningún comentario:

Publicar un comentario