A sección de Ribeira da Escola Oficial de Idiomas de Santiago inicia o xoves 29 un período especial de matrícula para adxudicar as vacantes dispoñibles ao alumnado en lista de espera. A asignación dos postos non se fará por Internet nesta quenda.
O número de matriculados xa ascende a 232 alumnos, pero aínda quedan vacantes, é por iso que se vai abrir un prazo extraordinario para adxudicalas.
O xoves 29 de setembro será o día no que o alumnado que tiña feita a preinscrición por Internet e resultou “Non admitido” poida pasar polo IES número 1 de Ribeira e ver se lle interesa algunha das prazas nos horarios dispoñibles. Haberá dúas quendas por orde alfabética: ás 10.30 para o alumnado con apelidos que comezan por letras entre a L e a Z e ás 12.00 para os que comecen por letras entre a A e a K.
Para o alumnado que non fixo ningún tipo de preinscrición online, o prazo será a partir do 3 de outubro ás 10.00.
Ningún comentario:
Publicar un comentario