Xornadas sobre cooperativismo forestal

A sociedade cooperativa Xesforesta ten previsto realizar no mes de novembro unhas Xornadas de cooperativismo no sector forestal. Terán lugar nos concellos de Porto do Son (17 de novembro),  de Rois (24 de novembro) e de Boiro (30 de novembro).

Os obxectivos das xornadas son a divulgación dos valores cooperativos, fomentar a posta en valor dos recursos do monte e promover a súa funcionalidade, entre outros.

Estarán destinadas a persoas vinculadas ó monte veciñal en man común, ás asociacións de propietarios/as, asociacións sociais e culturais e calquera persoa interesada en xeral.

Para inscribirse teñen que chamar ós teléfonos 981 074 027  |  647 634 993, ou enviar un mail a info@xesforesta.com co nome, apelidos, DNI, enderezo, teléfono, correo-e, profesión e lugar da xornada na que desexa participar.