No Centro Social de Boiro este luns dia 19 comezamos ca comunidade linguas vivas, esta actividade está destinada para todos/as os/as que están a aprender unha lingua estranxeira e queren practicar con outras persoas que están na mesma situación ou aquelas persoas que desexen practicar a expresión oral en diferentes idiomas dun modo libre e informal.
A actividade conta ca colaboración de persoas nativas en inglés e francés, quenes se encargarán de dirixir a conversa en grupos reducidos. A lingua vehicular da actividade, ao igual que en todos os programas da aula de linguas vivas, é o galego.
É un encontro libre e gratuíto entre xente cun interese común: practicar unha lingua estranxeira e que conta ca colaboración desinteresada de persoas nativas que residen na comarca.
A actividade desenvolverase dous luns ao mes en horario de 20h a 21h na cafetería do Centro Social, lugar onde haberá unhas mesas reservadas para esta actividade.
As persoas interesadas en participar deben enviar un mail a omix@boiro.org ou chamar ao teléfono 981842635, indicando datos persoais, o idioma no que están interesados e o nivel que posúen no idioma co fin de que os grupos sexan o mais homoxeneos posibles.
Ningún comentario:
Publicar un comentario