Campamentos musicais

A escola de música de Boiro ofertará para o verán varios campamentos musicais para rapaces a partir de 9 anos. Tedes todo o mes de xuño para inscribirvos.

Intercambio de sons

Esta actividade pretende ser un taller creativo onde os e as participantes, ca axuda dos mestres, aprendan a dinámica do ensaio en grupo aprendendo a tocar en conxunto o repertorio elixido. Tratase poñer en práctica os seus coñecementos musicais ao tempo que se axusta á practica en conxunto. Esta aprendizaxe completarase ca gravación e posta en escena do repertorio.

Está destinada a nenos e nenas de 10 a 20 anos con coñecementos musicais, levarase a cabo do 15 de xullo ao 20 de xullo (ambos inclusive) en horario de mañá de 10 a 14 horas na Escola de Música de Boiro, Centro Social. O custe por alumno será de  54€/persoa.

A música na nosa contorna

Nesta actividade o alumnado poderá coñecer de primeira man a música que o rodea ou que estivo presente nos lugares que visitaremos. A música na prehistoria, o castro de Neixón, instrumentos de refugallo, audicións, a música tradicional… Son actividades que realizaremos ao longo destes 5 días.

Destinada a nenos e nenas de 9 a 14 anos, esta actividade está pensada para que os participantes fagan un achegamento xeral á música sen que sexa preciso que ter máis coñecementos musicais que os adquiridos na escola. Levarase a cabo do 22 ao 27 de xullo (ambos inclusive) en horario de mañá de 10 a 14 horas na Parroquia de Abanqueiro, no Centro Social e contorna.

O custe por alumno será 52€/persoa.

O prazo de matriculación para as dúas actividades levarase a cabo durante todo o mes de xuño no enderezo electrónico xerencia@sonaxe.com ou no teléfonos 655.700.104. (A actividade non se levará a cabo se non se cobren as prazas).