Concello de Noia convoca a XIV Mostra
de Curtas “Vila de Noia” 2013, que se celebrará entre o 5 de Decembro de
2013 e o 8 de decembro de 2013.
Poderán participar todas as producións que o desexen, profesionais ou
amateurs, realizadas dende o 1 de xaneiro de 2012 ate o 1 de novembro
de 2013. As obras a concurso deberán estar realizadas preferiblemente en
galego ou castelán. As curtas realizadas noutra lingua diferente das
dúas anteriores, deberán incluír obrigatoriamente subtítulos en galego
ou castelán.
Cada autor poderá presentar a concurso obras, en soporte
DVD ou 35mm, únicos formatos admitidos para a mostra. Con cada
curtametraxe enviada a concurso deberá aparecer o nome da obra, así coma
unha ficha técnica da mesma.
Os participantes deberán enviar mediante correo electrónico, a ficha técnica ou unha ficha de inscrición que atoparán www.novasdenoia.wordpress.com e www.mostracurtasnoia.wordpress.com
A
duración dos traballos deberá ser igual ou inferior a 30 minutos,
títulos de crédito inclusive. A temática e xénero das obras é totalmente
libre. Non serán proxectados aqueles traballos de carácter turístico ou
publicitario, nin aqueles que non ofrezan unhas garantías técnicas
mínimas para unha correcta proxección. Os traballos poderán ser tanto
mudos coma sonoros.
Premios:- Mellor curtametraxe: 3.500 € + Trofeo conmemorativo
- Mellor dirección: 700 € + Trofeo conmemorativo
- Mellor guión: 500 € + Trofeo conmemorativo
- Mellor actor: 500 € + Trofeo conmemorativo
- Mellor actriz: 500 € + Trofeo conmemorativo
Premios especiais:- Mellor curta de animación: 1500 €+ Trofeo conmemorativo
- Premio especial del público : 1168€ + Trofeo conmemorativo
-Premio a mellor curta comarcal: 300€ + Trofeo
O prazo de recepción de obras estará aberto ata o día 8 de novembro de 2013.
Máis información: www.mostracurtasnoia.wordpress.com
Ningún comentario:
Publicar un comentario