Bolsas de Postgrao da Fundación Caixa Madrid

As bolsas de postgrao están dirixidas a españois licenciados, enxeñeiros superiores, informáticos superiores e arquitectos superiores con proxectos finais de carreira presentados e aprobados.

Na convocatoria, a Fundación outorgará 80 bolsas para realizar estudos de postgrao (máster, doutorado ou traballos de investigación) en universidades e centros superiores de investigación de Europa (agás España), Estados Unidos e Canadá para o curso académico 2011-2012. As bolsas están dirixidas a españois licenciados, enxeñeiros superiores, informáticos superiores e arquitectos superiores.

Se estás interesado, deberás encher o formulario electrónico do impreso de solicitude, o Currículo Vitae e a memoria do proxecto de investigación ou estudos, dispoñibles no apartado "Solicitudes" da Canle de Bolsas da Fundación. Para acceder ao contido é necesario que te deas de alta como usuario en rexistro ou, se xa o fixeches, que introduzas as túas claves de acceso.

As áreas de coñecemento para as que se conceden estas bolsas son:

Área social e xurídica
Economía
Ciencias Políticas
Socioloxía
Dereito
Área biosanitaria
Bioloxía
Medicina
Farmacia
Veterinaria
Área politécnica
Enxeñaría
Informática
Arquitectura
Área de ciencias
Física
Química
Matemáticas
Música

A dotación económica desta bolsa comprende:

- O importe total da matrícula na universidade ou centro superior de investigación no que fose admitido o bolseiro.
- Unha asignación mensual ao bolseiro para a súa manutención e aloxamento durante un período máximo de 12 meses.
- Unha bolsa de viaxe para cubrir gastos de desprazamento.
- Unha dotación única para gastos de instalación.
- Seguro de asistencia no estranxeiro e seguro de accidentes.

Prazo
O prazo de presentación de solicitudes e ata o 31 de xaneiro de 2011

Información
Na páxina web da Fundación Caixa Madrid http://www.fundacioncajamadrid.es/