A “Fundación para el Desarrollo de la Formación en las Zonas Mineras del Carbón" lanza a convocatoria do Programa de Bolsas de Idiomas en Zonas Mineiras do Carbón polo que se financia a realización de estudos de idiomas para mozos, mozas e traballadores menores de 30 anos.
O obxectivo é facilitar a aprendizaxe e perfeccionamento das linguas máis faladas na Unión Europea (inglés, francés, alemán e italiano) mediante cursos a realizar nos países nos que se fala a lingua ou en España en réxime de internado ou aberto.
O número de axudas que se concederán será de 1.100 becas para cursos de idiomas no estranxeiro e 250 para cursos de idiomas en España.
Poderán solicitar estas becas os fillos e orfos do persoal procedente de reestruturacións laborais na minería do carbón e de traballadores do sector activos e pasivos cos seguintes requisitos:
- Para o caso de programas no estranxeiro: menores de 30 anos, a 30 de novembro de 2011, e maiores de 12 anos, a 30 de xaneiro de 2012.
- No caso de programas en España: menores de 30 anos, a 30 de novembro de 2011, e maiores de 10 anos, a 30 de xaneiro de 2012.
Igualmente, poden ser solicitadas polos propios traballadores menores de 30 anos, a 30 de novembro de 2011, do sector da minería en activo.
O prazo de presentación das solicitudes finalizará o 31 de xaneiro de 2012.
As dotacións das axudas son:
- Para cursos de idiomas no estranxeiro: dotación máxima de 2.725 euros para cursos de idiomas, estancia e desprazamento ó país elixido.
- Para cursos de idiomas en España en réxime de internado: dotación máxima de 1.310 euros para cursos de idiomas e da estancia.
- Para cursos de idiomas en España en réxime aberto: dotación máxima de 1.135 euros para cursos de idiomas.
mais información:
http://arousanortemprego.wordpress.com/2012/01/23/novas-bolsas-9/
Ningún comentario:
Publicar un comentario