A Mancomunidade de Municipios Arousa Norte conta cun novo servizo
para a creación de emprego cooperativista e fomento da economía social.
No día de onte, 1 de agosto, ten a disposción unha oficina de fomento de cooperativismo
na que todas as persoas desempregadas ou interesadas poden informarse.
Esta oficina está subvencionada pola Dirección Xeral de Relacións
Laborais, a través da Consellería de Traballo e Benestar, formando parte
da Rede Eusumo.
Nela realizaranse actividades de formación, información, promoción e
sensibilización á sociedade para divulgar os valores cooperativos dando
apoio a emprendedores e promotores cooperativistas, facendo especial
fincapé en mozos/as, desempregados/as e mulleres en xeral. Asesorará
sobre os trámites constitutivos e fará un acompañamento a proxectos de
nova creación, dándolles soporte técnico.
Para contactar poden acudir á oficina da Mancomunidade sita na Casa
do Concello, 2º andar, en Boiro, no teléfono 981 845 236 preguntando
polo técnico de fomento do cooperativismo, a través do correo
cooperativismo@arousa-norte.es ou obter máis información no Blog da
Mancomunidade no que proximamente abriremos un apartado específico.
Ningún comentario:
Publicar un comentario