A
Mancomunidade de Municipios de Arousa Norte, a través da súa Oficina de
Fomento Cooperativo, organiza unha visita á cooperativa forestal
Xesforesta. Esta visita, de carácter gratuíto, enmárcase dentro dun
programa de visitas a diversas cooperativas que se desenvolverán durante
o mes de outubro.
A primeira destas visitas vaise celebrar o vindeiro sábado día 5 de outubro
en horario de 10.00h a 13.30h. A cooperativa a visitar será a
cooperativa forestal Xesforesta, formada por tres emprendedores da zona,
e que desenvolve a súa actividade nos ámbitos naturais
e paisaxísticos da nosa comunidade autónoma, promovendo unha xestión
responsable dos recursos, respectando a multifuncionalidade do monte e
contribuíndo de igual modo ao benestar da contorna de traballo.
A
Mancomunidade de Municipios de Arousa Norte porá un servizo de autobús
gratuíto a disposición de todos os interesados na visita.
Nos
documentos adxuntos achégase máis información sobre a visita: cartel
para facer difusión, bases de participación, ficha de inscripción, etc.
Toda a información está dispoñible no blog de emprego da Mancomunidade no seguinte enlace: http://arousanortemprego.wordpress.com/visitas-guiadas-a-cooperativas/
Ningún comentario:
Publicar un comentario